GeForce RTX 5060 19 mayda 299 dollara satışa çıxacaq

Bu, RTX 50 seriyasındakı ən ucuz və ən sadə model olacaq.

GeForce RTX 5060 19 mayda 299 dollara satışa çıxacaq

Videocardz saytının məlumatına görə, Nvidia yeni büdcə seqmentli RTX 5060 (Ti olmayan) videokartını 19 mayda təqdim edəcək. Görünür, rəy embargosu da məhz satış günü aradan qaldırılacaq.

RTX 5060 apreldə təqdim olunmuşdu. Satışa çıxdığı anda RTX 50 seriyasının ən sadə və ən ucuz modeli olacaq. Yeniliyin qiyməti 299 dollar (~500AZN) olacaq.

RTX 5060 modelində 3840 CUDA nüvəsinə malik GB206 qrafik prosessoru, 8 GB GDDR7 yaddaş və 128 bitlik yaddaş magistralı var. Yeni videokart AMD Radeon RX 9060 XT modeli ilə rəqabət aparacaq. Onun da yaxın zamanda elan ediləcəyi gözlənilir.