Oyun Dünyasında «RAM» Şoku: Yeni Nəsil Konsollar Xəyal Olur?

Oyun Dünyasında «RAM» Şoku: Yeni Nəsil Konsollar Xəyal Olur?

Geymerlər üçün bəd xəbərimiz var: növbəti nəsil konsollar (şərti olaraq PS6 və yeni Xbox) gözlədiyimizdən daha gec gələ bilər. Tanınmış insayder Tom Hendersonun məlumatına görə, konsol nəhəngləri yeni cihazların çıxışını 2027–2028-ci illərə, hətta bəlkə daha sonraya təxirə salmağı müzakirə edirlər. Səbəb isə heç də texniki nasazlıq deyil, dünyada baş verən görünməmiş operativ yaddaş (RAM) böhranıdır.

Bütün bunlara görə «sağ ol» deyə biləcəyimiz bir ünvan var: Süni İntellekt (AI). Neyroşəbəkələrin sürətli inkişafı və Sam Altmanın iddialı layihələri çip istehsalçılarının bütün diqqətini bu sahəyə yönəldib. İstehsal xətləri AI üçün lazım olan bahalı yaddaş çipləri ilə məşğul olduğu üçün adi istehlakçı elektronikası, xüsusən də oyun konsolları «ofsaytda» qalıb. RAM qiymətlərinin bir neçə yüz faiz artması, yeni konsolların ağlabatan qiymətə (məsələn, 850–1000 AZN arası) satışa çıxarılmasını qeyri-mümkün edir. Əgər indi PS6 çıxsaydı, onun qiyməti yəqin ki, 1700 AZN-dən baha olardı ki, bu da çoxumuzun büdcəsini «infarkt» edərdi.

Təəssüf ki, bu böhran həm də hazırkı nəsilə — PlayStation 5 və Xbox Series modellərinə də zərbə vurur. Tarixən konsollar illər keçdikcə ucuzlaşmalı olduğu halda, indi biz əksini görürük. Hazırda Azərbaycanda PS5 Slim modelini 900-950 AZN civarında tapmaq mümkündürsə, yaxın gələcəkdə bu qiymətin artacağı ehtimalı çox yüksəkdir. Hətta Steam Deck belə bu «RAM aclığının» qurbanı olub və yeni modellərin taleyi sual altındadır. Görünən odur ki, süni intellekt şəkil çəkməyi öyrənənə qədər, biz hələ köhnə konsollarımızda toz sormaqla məşğul olacağıq.

#gaming #nextgen #techflow #ps6 #xbox